हिरो महिला गोल्डकप नेपालले आज म्यानमार सँग खेल्दै

0
109
Ad_Article_Top
Share

माघ २६, २०७५

प्रतियोगितास्थल भुवनेश्वरको कालिंगा स्टेडियम
हिरो महिला गोल्डकपमा नेपालले पहिलो खेल आज म्यानमारसँग खेल्दैछ ।

भारतको उडिसाको भुवनेश्वरमा यो खेल नेपाली समयअनुसार दिउँसो सवा ४ बजेबाट सुरु हुनेछ । खेल अगाडि शुक्रबार गरिएको पत्रकार सम्मेलनमा नेपाली टिमका प्रशिक्षक हरि खड्काले भने, ‘हाम्रो मुख्य लक्ष्य साफ जित्नु हो, हामी भारतमा बलिया टिमसँग सिक्न आएका छौँ । हामी राम्रो फुटबल खेलेर विपक्षीलाइ चुनौती दिन्छौँ ।’

प्रतियोगितामा नेपालसहित आयोजक भारत, इरान र म्यानमार रहेका छन् । भारतले आसन्न साफ र ओलम्पिक छनोटलाई लक्षित गर्दै यो प्रतियोगिता गरेको हो । नेपालले दोस्रो खेलमा २८ गते आयोजक भारतको सामना गर्नेछ । फागुन १ गते इरानसँग खेल्नेछ ।

राउण्ड रोबिन आधारमा सञ्चालन हुने प्रतियोगिताको शीर्ष दुई टोली फाइनल पुग्नेछ । फाइनल खेल फागुन ३ गते हुनेछ ।

नेपाली टिम झापामा ५ दिने क्लोज क्याम्पपछि भारत पुगेको हो ।

Ad_Article_Bottom

LEAVE A REPLY

Please enter your comment!
Please enter your name here