दलित समुदाय गरिबीको चपेटामा, अगुवा नै पार्टीको झोले भएको अध्यक्ष रामको गुनासो

0
120
Ad_Article_Top
Share

वीरगञ्ज, कार्तिक २०
दलित अधिकार समाज पर्सा महुवनका अध्यक्ष मनोज रामले दलित अगुवा तथा दलित अधिकारकर्मी हरु नै पार्टीको झोले भएको हुँदा दलित समुदायको जिवनस्तर माथि उक्सिन नसकेको बताउनुभएको छ ।
आवाज एफ एम ८८ मेगाहर्जको प्रस्तुती कार्यक्र “आवाज दलित संवाद” मा कुराकानी गर्दै दलित अगुवाहरु बिच आपसी बिवाद हुँदा दलित समुदाय झन झन पिछडिएको बताउनुभयो । पिस फोर दलित फाउण्डेशन पर्साका अध्यक्ष समेत रहनुभएका रामले देशमा संघियता आएसँगै हरेक वडा कमिटिमा भएका दलित महिला प्रतिनिधि लाई समेत बैठकमा नबोलाएर हस्ताक्षर मात्र गराउने गरेको बताउनुभयो ।
दलित समुदायको उत्थानको लागि बिशेष गरी दलित समुदायको आर्थिक समृद्धि हुने खालका प्रशिक्षण तथा सिपमुलक तालिमको व्यवस्था संघ, प्रदेश तथा स्थानिय सरकारले गर्नुपर्ने उहाँले माग गर्नुभयो । बिभिन्न क्षेत्रमा ग्यास चुलो बितरणको प्रसँगमा उहाँले २ सयको दाउरा किन्न नसक्नेले १३÷१४ सयमा ग्यास कसरी भर्न सक्छ भनेर प्रतिप्रश्न गर्नुभयो ।
दलित अभियानता रामले दलित समुदाय गरिबीको चपेटमा परेको हुँदा भेदभाव, छुवाछुत जस्ता अन्धबिश्वास र कुरीतीको पनि सिकार बनिरहेको गुनासो गर्नुभयो ।
अन्य क्षेत्रको तुलनामा पर्साका दलित अधिकारकर्मी तथा दलित सँग सम्बन्धित संघ संस्थाहरु निष्क्रिय हुँदै गएको हुँदा अब जागरुप हुनुपर्ने बेला आएको उहाँले बताउनुभयो । एउटा हातिलाई जसरी जन्जिरमा बाँधिएर राखिएको हुन्छ त्यसरी नै दलित समुदायलाई पनि दमनमा राखिएको उहाँको बुझाई छ ।

Ad_Article_Bottom

LEAVE A REPLY

Please enter your comment!
Please enter your name here