प्रदेश २ सरकारले प्रहरीमा भर्ना लिने आन्तरिक तयारी सुरु

0
48
Ad_Article_Top
Share :
meropathsala.com

वीरगन्ज २ कार्तिक : प्रदेश–२ सरकारले प्रहरीमा भर्ना लिनका लागि आन्तरिक तयारी थालेको छ । प्रदेश प्रहरी ऐन पारित भएको करिब डेढ वर्षपछि प्रदेश २ सरकारले प्रहरीमा भर्ना लिने तयारी सुरु गरेको छ । आइतबार प्रदेश २ को मन्त्रिपरिषद् बैठकको निर्णयहरु सार्वजनिक गर्दै आन्तरिक मामिला तथा कानुनमन्त्री ज्ञानेन्द्र कुमार यादवले प्रदेश सरकारले प्रहरी भर्ना लिने प्रक्रिया अविलम्ब सुरु गर्न लागेको जानकारी दिए ।

उनले छठ पर्व सम्पन्न भएलगत्तै प्रहरीमा भर्नाका लागि आवेदन आह्वान गर्ने जानकारी दिए । उनका अनुसार प्रदेश सरकारले प्रहरी जवान, असई र इन्सपेक्टर पदका लागि आवेदन आह्वान गर्ने छ । मन्त्रालयको सैद्धान्तिक सहमतिपछि मन्त्रिपरिषद्को बैठकमा प्रहरी भर्नाका लागि ठाडो प्रस्ताव लगेको भन्दै उनले छठपछि प्रकृया सुरु हुने स्पष्ट पारे । उनले यससाथै प्रदेशसभाको चौथो अधिवेशन अन्त्य गर्ने सहमति भएको जानकारी दिए ।

meropathsala.com

LEAVE A REPLY

Please enter your comment!
Please enter your name here